ye baat alag hai miraa qaatil bhi vahii thaa

Ye baat alag hai miraa qaatil bhee vahee thaa Is shahr men taareef ke qaabil bhee vahee thaa Aasaan thaa bahut us ke liye harf-e-muravvat Aur marhala apne liye mushkil bhee vahee thaa Taabeer thee apnee bhee vahee khvaab-e-safar kee Afsaana-e-mahroomi-e-manzil bhee vahee thaa Ik haath men talvaar thee ik haath men kashkol Zaalim to wo thaa hee miraa saa.il bhee vahee thaa Ham aap ke apne hain wo kahtaa raha mujh se Aakhir saf-e-aghyaar men shaamil bhee vahee thaa Main lauT ke aayaa to gulistaan-e-havas men Thaa gul bhee vahee shor-e-anaadil bhee vahee thaa Daave the 'zafar' us ko bahut baa-khabaree ke Dekhaa to mire haal se ghaafil bhee vahee thaa Ye baat alag hai mera qatil bhi wahi tha Is shahr mein tarif ke qabil bhi wahi tha Aasan tha bahut us ke liye harf-e-murawwat Aur marhala apne liye mushkil bhi wahi tha Tabir thi apni bhi wahi KHwab-e-safar ki Afsana-e-mahrumi-e-manzil bhi wahi tha Ek hath mein talwar thi ek hath mein kashkol Zalim to wo tha hi mera sail bhi wahi tha Hum aap ke apne hain wo kahta raha mujh se AaKHir saf-e-aghyar mein shamil bhi wahi tha Main lauT ke aaya to gulistan-e-hawas mein Tha gul bhi wahi shor-e-anadil bhi wahi tha Dawe the 'zafar' us ko bahut ba-KHabari ke Dekha to mere haal se ghafil bhi wahi tha