ye bhi mumkin hai ki aankhen hon tamaashaa hi na ho

Ye bhee mumkin hai ki aankhen hon tamaashaa hee na ho Raas aane lage ham ko to ye Dunya hee na ho Kaheen nikle koi andaaza hamaaraa bhee ghalat Jaante hain use jaisaa kaheen vaisaa hee na ho Ho kisee tarha se makhsoos hamaare hee liye Yaanee jitnaa nazar aataa hai wo utnaa hee na ho TakTakee baandh ke main dekh raha hoon jis ko Ye bhee ho saktaa hai wo saamne baiThaa hee na ho Vo koi aur ho jo saath kisee aur ke hai Asl men to wo abhee lauT ke aayaa hee na ho Khvaab-dar-khvaab chalaa kartaa hai aankhon men jo shakhs DhoonDne niklen use aur kaheen rahtaa hee na ho Chamak uTThaa ho abhee roo-e-bayaabaan ik dam Aur ye nazzaara kisee aur ne dekhaa hee na ho Kaifiyat hee koi paanee ne badal lee ho kaheen Ham jise dasht samajhte hain wo Dariya hee na ho Mas.ala itnaa bhee aasaan nahin hai ki 'zafar' Apne nazdeek jo seedhaa hai wo ulTaa hee na ho Ye bhi mumkin hai ki aankhen hon tamasha hi na ho Ras aane lage hum ko to ye duniya hi na ho Kahin nikle koi andaza hamara bhi ghalat Jaante hain use jaisa kahin waisa hi na ho Ho kisi tarha se maKHsus hamare hi liye Yani jitna nazar aata hai wo utna hi na ho TakTaki bandh ke main dekh raha hun jis ko Ye bhi ho sakta hai wo samne baiTha hi na ho Wo koi aur ho jo sath kisi aur ke hai Asl mein to wo abhi lauT ke aaya hi na ho KHwab-dar-KHwab chala karta hai aankhon mein jo shaKHs DhunDne niklen use aur kahin rehta hi na ho Chamak uTTha ho abhi ru-e-bayaban ek dam Aur ye nazzara kisi aur ne dekha hi na ho Kaifiyat hi koi pani ne badal li ho kahin Hum jise dasht samajhte hain wo dariya hi na ho Masala itna bhi aasan nahin hai ki 'zafar' Apne nazdik jo sidha hai wo ulTa hi na ho