yuun bhi nahin ki shaam o sahar intizaar tha

Yuun bhee nahin ki shaam-o-sahar intizaar tha Kahte nahin the munh se magar intizaar tha Muddat ke ba.ad phuul kee soorat khilaa tha dil Shabnam kee tarah taaza-o-tar intizaar tha Baalon men dhuul paanv men chhaale na the magar Phir bhee kuch ek ranj-e-safar intizaar tha Koee khabar thee us kee parindon ke shor men Rang-e-havaa men shaakh-o-shajar intizaar tha Yuun thee javaaharaat lab-o-chashm kee jhalak Jaise ye koi la.al-o-gohar intizaar tha Daalaan-o-dar men ek tavaqqo.a thee mauj mauj Deevaar-o-baam the ki bhanvar intizaar tha Aise men aitbaar kisee par na tha mujhe Main bhee tha saath saath jidhar intizaar tha Aankhen thiin khushk khushk to dil bhee tha band band Khul hee nahin raha tha kidhar intizaar tha Maayoos hone vaale na the ham bhee ai 'zafar' Aayaa nahin to baar-e-digar intizaar tha Yun bhi nahin ki sham-o-sahar intizar tha Kahte nahin the munh se magar intizar tha Muddat ke baad phul ki surat khila tha dil Shabnam ki tarah taza-o-tar intizar tha Baalon mein dhul panw mein chhaale na the magar Phir bhi kuch ek ranj-e-safar intizar tha Koi KHabar thi us ki parindon ke shor mein Rang-e-hawa mein shaKH-o-shajar intizar tha Yun thi jawaharaat lab-o-chashm ki jhalak Jaise ye koi lal-o-gohar intizar tha Dalan-o-dar mein ek tawaqqoa thi mauj mauj Diwar-o-baam the ki bhanwar intizar tha Aise mein e'tibar kisi par na tha mujhe Main bhi tha sath sath jidhar intizar tha Aankhen thin KHushk KHushk to dil bhi tha band band Khul hi nahin raha tha kidhar intizar tha Mayus hone wale na the hum bhi ai 'zafar' Aaya nahin to bar-e-digar intizar tha