gubaar dil se nikaalaa nazar ko saaf kiyaa

Ghubaar dil se nikaalaa nazar ko saaf kiyaa Phir us ke ba.ad mohabbat kaa e'tiraaf kiyaa Jo vo naheen thaa to main muttafiq thaa logon se Vo mere saamne aayaa to ikhtilaaf kiyaa Har ek jurm kee paataa rahaa sazaa lekin Har ek jurm zamaane kaa main ne maaf kiyaa Vo shab guzaarne aa.egaa mere kooche men Havaa-e-shaam ne dheere se inkishaaf kiyaa Is anjuman men main aayaa thaa jin kee marzee se Unhen tumhaaree nazar se mire khilaaf kiyaa