main us kii anjuman men akelaa nahiin gayaa
— Zeeshan Sahil
Main us kee anjuman men akelaa naheen gayaa
Jo main gayaa to phir koee tanhaa naheen gayaa
Main chaahtaa thaa us kee nigaahon se khelnaa
Lekin zaraa see der bhee khelaa naheen gayaa
Mumkin naheen thaa husn o nazar kaa muvaazana
Mujh se to us ko Thiik se dekhaa naheen gayaa
Tahveel men kisee kee pahunch ke hai khush vo dil
Jis ko kisee maqaam pe rakkhaa naheen gayaa
Donon taraf thee ek shikaayat likhee huee
Chaahaa kabhee gayaa kabhee chaahaa naheen gayaa