yaad karne ke zamaane se bahut aage hain
— Zeeshan Sahil
Yaad karne ke zamaane se bahut aage hain
Aaj ham apne Thikaane se bahut aage hain
Koee aa ke hamen DhoonDegaa to kho jaa.egaa
Ham na.e gham men puraane se bahut aage hain
Jism baaqee hai magar jaan ko miTaane vaale
Ruuh men zakhm nishaane se bahut aage hain
Is qadar khush hain ki ham khvaab-e-faraamoshee men
Jaag jaane ke bahaane se bahut aage hain
Jo hamen paa ke bhee khone se bahut peechhe thaa
Ham use kho ke bhee paane se bahut aage hain