apnaa saaya bhii na ham raah safar men rakhnaa

Apnaa saaya bhee na ham-raah safar men rakhnaa Pukhta saDken hee faqat raahguzar men rakhnaa Ghair-mahfooz samajh kar na ghaneem aa jaa.e Dosto! main na sahee khud ko nazar men rakhnaa Kaheen aisa na ho main hadd-e-khabar se guzroon Koi aalam ho mujhe apnee khabar men rakhnaa Aa.ina TuuT ke bikhre to ka.ee aks mile Ab hathauDaa hee kaf-e-aa.ina-gar men rakhnaa Mashghale kibr-sinee men vahee bachpan vaale Kabhi tasveeren kabhi aa.ine ghar men rakhnaa Bahte dariyaaon ko saahil hee se takte rahnaa Aur jalte hue ghar deeda-e-tar men rakhnaa Koi to aisa ho jo tum ko bachaa.e tum se Koi to apnaa bahee-khvaah safar men rakhnaa Koi bhee chiiz na rakhnaa ki ta.aaqub men hain log Apnee miTTee hee magar dast-e-hunar men rakhnaa Jangalon men bhee havaa se vahee rishta 'akhtar' Shahr men bhee yahee sauda mujhe sar men rakhnaa