dard kii daulat e naayaab ko rusvaa na karo

Dard kee daulat-e-naayaab ko rusvaa na karo Wo nazar raaz hai us raaz kaa charchaa na karo Vus.at-e-dasht men deevaane bhaTak jaate hain Dosto aahu-e-ram-khurda kaa peechhaa na karo Tum muqaddar kaa sitaara ho mire paas raho Tum jabeen-e-shab-e-namnaak pe ubhraa na karo Pas-e-deevaar bhee deevaar kaa aalam hogaa Tum yoonhee rauzan-e-deevaar se jhaankaa na karo Ghar palaT aane men aafiyat-e-jaan hai yaaro Jab havaa tez chale raah men Thahraa na karo Yaa dil-o-deeda ko tanveer-e-mohabbat bakhsho Yaa dam-e-sub.h zamaane men ujaalaa na karo Ye jahaan-e-guzaraan haath kise aayaa hai Peechhe muD muD ke kisee shakhs ko dekhaa na karo Bhaagte lamhe ko kab rok sakaa hai koi Wo to ik saaya hai saa.e kee tamannaa na karo Sar salaamat nahin rahte hain zabaan kaTtee hai Pattharon ko kabhi bhoole se bhee sajda na karo Pyaas bujhtee hai kahaan tapte bayaabaanon kee Miree aankhon miree aankho yoonhee barsaa na karo Ziist hai tez-qadam aage nikal jaa.egee Tum kisee moD pe rukne kaa iraada na karo Kuchh idhar saa.e hain jo baDh ke lipaT jaate hain 'akhtar' is raah se ho kar kabhi guzraa na karo