dasht dar dasht aks e dar hai yahaan
— Akhtar Hoshiyarpuri
Dasht-dar-dasht aks-e-dar hai yahaan
Tum bhee aao ki meraa ghar hai yahaan
Phailtee jaa rahee hai surkh lakeer
Jaise koi lahoo men tar hai yahaan
Dhoop se bach ke jaa.en aur kahaan
Apnee zaat ik ghanaa shajar hai yahaan
Vahee miTTee hai sab ke chehron par
Aa.ina sab se baa-khabar hai yahaan
Shaakh-dar-shaakh ek saaya hai
Chaand jo hai pas-e-shajar hai yahaan
Duub kar jis men apnee thaah milee
Lamha lamha vahee bhanvar hai yahaan
Pattharon men hazaar chehre hain
Haan magar koi teesha-gar hai yahaan
Kuchh mujhe bhee yahaan qaraar nahin
Kuchh tiraa gham bhee dar-ba-dar hai yahaan
Zahr kee kaaT kis se ho 'akhtar'
Vaqt kaa marg-e-neshtar hai yahaan