ham aksar tiirgii men apne piichhe chhup gae hain

Ham aksar teergee men apne peechhe chhup ga.e hain Magar jab raaston men chaand ubhraa chal paDe hain Zamaana apnee 'uryaanee pe khuun ro.egaa kab tak Hamen dekho ki apne aap ko oDhe hue hain Miraa bistar kisee fotpath par jaa kar lagaa do Mire bachche abhee se mujh se tarka maangte hain Buland aavaaz de kar dekh lo koi to hogaa Jo galiyaan so ga.ee hain to parinde jaagte hain Koi tafseel ham se poochhnaa ho poochh liije Ki ham bhee aa.ine ke saamne barson rahe hain Abhee ai daastaan-go daastaan kahtaa chalaa jaa Abhee ham jaagte hain jumbish-e-lab dekhte hain Havaa apne hee jhonkon kaa ta'aaqub kar rahee hai Ki uDte patte phir aankhon se ojhal ho rahe hain Hamen bhee is kahaanee kaa koi kirdaar samjho Ki jis men lab pe mohren hain dareeche bolte hain Idhar se paaniyon kaa relaa kab kaa jaa chukaa hai Magar bachche darakhton se abhee chimTe hue hain Mujhe to chalte rahnaa hai kisee jaanib bhee jaa.oon Ki 'akhtar' mere qadmon men abhee tak raaste hain