ik nuur thaa ki pichhle pahar ham safar huaa
— Akhtar Hoshiyarpuri
Ik nuur thaa ki pichhle pahar ham-safar huaa
Mujh ko qabaa kaa chaak hee chaak-e-sahar huaa
Sailaab umanD ke shahar kee galiyon men aa ga.e
Lekin ghareeb-e-shahr kaa daaman na tar huaa
Zindaan-e-aarzoo men nazar be-basar rahee
Deevaar dar huee to kiran kaa guzar huaa
Wo aandhiyaan chalee hain ki ashjaar ukhaD ga.e
Dukkaan-e-sheeshagar pe na phir bhee asar huaa
Ab kaun dekhtaa phire kyuun baam-o-dar jale
Jo kuchh huaa hai fasl-e-chaman se udhar huaa