jo mujh ko dekh ke kal raat ro padaa thaa bahut

Jo mujh ko dekh ke kal raat ro paDaa thaa bahut Wo meraa kuchh bhee na thaa phir bhee aashnaa thaa bahut Main ab bhee raat ga.e us kee guunj suntaa huun Wo harf kam thaa bahut kam magar sadaa thaa bahut Zameen ke siine men sooraj kahaan se utre hain Falak pe duur koi baiThaa sochtaa thaa bahut Mujhe jo dekhaa to kaaghaz ko purze purze kiyaa Wo apnee shakl ke khaake banaa rahaa thaa bahut Main apne haath se niklaa to phir kaheen na milaa Zamaana mere ta.aaqub men bhee gaya thaa bahut Shikast-o-rekht badan kee ab apne bas men nahin Use bataa.oon ki wo ramz-aashnaa thaa bahut Bisaat us ne ulaT dee na jaane soch ke kya Abhee to logon men jiine kaa hauslaa thaa bahut Ajab shareek-e-safar thaa ki jab paDaav kiyaa Wo mere paas na Thahraa magar rukaa thaa bahut Sehr ke chaak-e-garebaan ko dekhne ke liye Wo shakhs sub.h talak shab ko jaagtaa thaa bahut Wo kam-sukhan thaa magar aisa kam-sukhan bhee na thaa Ki sach hee boltaa thaa jab bhee boltaa thaa bahut Havaa ke lams se chehre pe phuul khilte the Wo chaandnee saa badan mauja-e-sabaa thaa bahut Pas-e-dareecha do aankhen chamaktee rahtee thiin Ki us ko niind men chalne kaa aariza thaa bahut Kahaaniyon kee fazaa bhee use thee raas 'akhtar' Haqeeqaton se bhee ohda-bar-aa huaa thaa bahut