main ne yuun dekhaa use jaise kabhii dekhaa na thaa

Main ne yuun dekhaa use jaise kabhi dekhaa na thaa Aur jab dekhaa to aankhon par yaqeen aataa na thaa Baam-o-dar se sakht baarish men bhee uTThegaa dhuaan Yuun bhee hotaa hai mohabbat men kabhi sochaa na thaa Aandhiyon ko rauzan-e-zindaan se ham dekhaa kiye Duur tak phailaa huaa sahraa thaa naqsh-e-paa na thaa Log laa.e hain kahaan se shab ko marmar ke charaagh Un chaTaanon men to din ko raasta paidaa na thaa Shahr kee hangaama-aaraa.ee men kho kar rah gaya Main ki apne ghar men bhee mujh ko sukoon miltaa na thaa Barf apne-aap ghul jaatee hai sooraj ho na ho Shaam se pahle ye jaanaa thaa magar samjhaa na thaa Un dinon bhee shahr men sailaab aate the bahut Vaadiyon men jab kaheen baadal abhee barsaa na thaa Raat kee tanhaa.iyon men jis se chaunk uTThe the ham Apnee hee aavaaz thee sho.ala koi chamkaa na thaa Wo bhee sach kahte hain 'akhtar' log begaane hue Ham bhee sachche hain ki duniyaa kaa chalan aisa na thaa