phir ye huaa ki log dariichon se hat gae

Phir ye huaa ki log dareechon se haT ga.e Lekin wo gard thee ki dar-o-baam aT ga.e Kuchh log jhaankne lage deevaar-e-shahr se Kuchh log apne khuun ke andar simaT ga.e Wo peD to nahin thaa ki apnee jagah rahe Ham shaakh to nahin the magar phir bhee kaT ga.e Pur-haul jangalon men havaa cheekhtee phiree Vaapas gharon ko kyuun na musaafir palaT ga.e Itne to raaste men bhee saa.e nahin mile Jitne ki log aa.e aur aa kar palaT ga.e MiTTee ke in charaaghon kee himmat to dekhiye Jo jaate jaate shab kee safon ko ulaT ga.e Jab ham se apnee zaat kaa patthar na uTh sakaa 'akhtar' ham aa.ine ke muqaabil hee DaT ga.e