qarya e jaan se guzar kar ham ne ye dekhaa bhii hai

Qarya-e-jaan se guzar kar ham ne ye dekhaa bhee hai Jis jagah oonchee chaTaanen hain vahaan dariyaa bhee hai Dard kaa chaDhtaa samundar jism kaa kachchaa makaan Aur un ke darmiyaan aavaaz kaa sahraa bhee hai Ruuh kee gahraa.ee men paataa huun peshaanee ke zakhm Sirf chaahaa hee nahin main ne use puujaa bhee hai Raat kee parchhaa.iyaan bhee ghar ke andar band hain Shaam kee dahleez par sooraj kaa naqsh-e-paa bhee hai Chaand kee kirnen kharaashen hain dar-o-deevaar par Aur dar-o-deevaar ke pahloo men ik saayaa bhee hai Ghar kaa darvaaza muqaffal hai agar dekhe koi Andar ik kohraam hai jaise koi rahtaa bhee hai Jab main 'akhtar' pattharon ko aa.ina dikhlaa chukaa Main ne dekhaa aa.inon ke haath men tesha bhee hai