thii titliyon ke taaaqub men zindagii merii

Thee titliyon ke ta.aaqub men zindagee meree Wo shahr kya huaa jis kee thee har galee meree Main apnee zaat kee tashreeh kartaa phirtaa thaa Na jaane phir kahaan aavaaz kho ga.ee meree Ye sarguzisht-e-zamaana ye daastaan-e-hayaat Adhooree baat men bhee rah ga.ee kamee meree Havaa-e-koh-e-nidaa ik zaraa Thahar ki abhee Zamaana ghaur se suntaa hai an-kahee meree Main itne zor se cheekhaa chaTakh gaya hai badan Phir is ke ba.ad kisee ne nahin sunee meree Ye darmiyaan kaa khalaa hee miraa nahin varna Ye aasmaan bhee meraa zameen bhee meree Kise khabar ki guhar kaise haath aate hain Samundaron se bhee gahree hai khaamushee meree Koi to aa.e mire paas do ghaDee baiThe Ki kar ga.ee mujhe tanhaa khud-aagahee meree Kabhi kabhi to zamaana rahaa nigaahon men Kabhi kabhi nazar aa.ee na shakl bhee meree Mujhe khabar hai kahaan huun main kaun huun 'akhtar' Ki mere naam se soorat giree huee meree