wo jo diivaar e aashnaaii thii

Wo jo deevaar-e-aashnaa.ee thee Apnee hee zaat kee ikaa.ee thee Main sar-e-dasht-e-jaan thaa aavaara Aur ghar men bahaar aa.ee thee Maile kapDon kaa apnaa rang bhee thaa Phir bhee qismat men jag-hansaa.ee thee Ab to aankhon men apnaa chehra hai Kabhi sheeshe se aashnaa.ee thee Apnee hee zaat men thaa main mahfooz Aur phir khud hee se laDaa.ee thee Apnee aavaaz se bhee Dartaa thaa Haa.e kya chiiz aashnaa.ee thee Zindagee gard gard thee 'akhtar' Jaane luT kar kahaan se aa.ee thee