wo rang e tamannaa hai ki sad rang huaa huun

Wo rang-e-tamannaa hai ki sad-rang huaa huun Dekho to nazar huun jo na dekho to sadaa huun Yaa itnaa subuk thaa ki havaa le uDee mujh ko Yaa itnaa giraan huun ki sar-e-raah paDaa huun Chehre pe ujaalaa thaa garebaan men sahar thee Wo shakhs ajab thaa jise raste men milaa huun Kab dhoop chalee shaam Dhalee kis ko khabar hai Ik umr se main apne hee saa.e men khaDaa huun Jab aandhiyaan aa.ee hain to main niklaa na ghar se Patton ke ta.aaqub men magar dauD paDaa huun