wo ratjagaa thaa ki afsuun e khvaab taarii thaa
— Akhtar Hoshiyarpuri
Wo ratjagaa thaa ki afsoon-e-khvaab taaree thaa
Diye kee lau pe sitaaron kaa raqs jaaree thaa
Main us ko dekhtaa thaa dam-ba-khud thaa hairaan thaa
Kise khabar wo kaDaa vaqt kitnaa bhaaree thaa
Guzarte vaqt ne kya kya na chaara saazee kee
Vagarna zakhm jo us ne diyaa thaa kaaree thaa
Dayaar-e-jaan men baDee der men ye baat khulee
Miraa vajood hee khud nang dost-daaree thaa
Kise bataa.oon main apnee navaa kee ramz 'akhtar'
Ki harf jo nahin utre main un kaa qaaree thaa